「賽馬會樂齡同行計劃 x 老夫子」之生活小故事

抗逆四式

喺屋企對住電腦work from home、無乜聚會、假期就留喺屋企hea住過,相信係好多人喺疫情期間都經歷過嘅「新常態」,不過長期喺屋企對住四面牆,想搵個人傾偈都無,好可能係一啲獨居或雙老家庭長者嘅日常!就算有啲長者平時會出去飲個茶、做下運動或者去社區中心活動,喺疫情高峰期間呢啲活動都少咗好多,難免令佢哋感到孤獨。其實面對疫情或逆境,無論咩年紀嘅人,喺體力同心態上都要有所調節,今日就等老夫子教大家「 #抗逆四式」嚟保持體魄同心靈強健啦!如果大家留意到身邊嘅長者可能受到抑鬱困擾,亦請盡早聯絡「賽馬會樂齡同行計劃 」嘅合作機構尋求協助。

 

50歲或以上有興趣人士亦可參加計劃嘅長者精神健康培訓,擔任「樂齡友里 」義工及「樂齡之友 」,喺社區中推廣精神健康,為支援受抑鬱困擾嘅長者出一分力!想報名嘅話,記得留意你嗰區嘅「賽馬會樂齡同行計劃 」合作機構「 #樂齡友里 」義工培訓課程開班時間,或密切留意「賽馬會樂齡同行計劃」Facebook專頁嘅公佈啦!

 

大家平日仲可以透過以下嘅「情緒支援物資」發掘新點子,幫助身邊更多受情緒影響嘅長者朋友!

 

動態抗疫急救包2022

清心新活:14日家中作樂》小冊子