「賽馬會樂齡同行計劃 x 老夫子」之生活小故事
舉手之勞
唔知大家早排有無試過排長龍買外賣返屋企食，又或者排隊買抗疫用品? 我哋就聽過一啲窩心小故事，就係有啲熱心嘅市民，利用空餘時間幫助確診或在家隔離嘅親友購買物資，喺疫情中充份發揮守望相助嘅精神。
除咗分享物資，其實情緒支援都好重要！ 尤其係獨居或雙老家庭嘅長者，疫情下有機會因為長期同外界缺乏接觸，特別容易感到孤獨、焦慮同無助，增加患上抑鬱症嘅風險。但係佢哋未必會直接表達出嚟，反而可能喺日常生活中透過以下方式呈現，例如:
- 情緒起伏大，容易低落、煩躁或欠缺耐性
- 對任何事都提唔起勁
- 投訴不明痛症
- 胃口有明顯改變
- 瞓太多或失眠
- 難以集中精神
「賽馬會樂齡同行計劃」自2016年起一直為受抑鬱困擾嘅60歲或以上長者提供「情緒支援物資」及服務，今年計劃更已成功推展至全港18區近50個合作服務單位。如果大家留意到身邊嘅長者可能受到抑鬱困擾，請盡早尋求協助。
平日大家仲可以透過以下嘅「情緒支援物資」，幫助身邊更多受情緒影響嘅長者朋友㗎！
《清心新活：14日家中作樂》小冊子
